Ki Conspiracy theories Covid-19 kiba kham pynsheptieng
KATTO KATNE KI KHANA SHALYNDET JONG U KHNIANG JINGPANG COVID-19 – CONSPIRACY THEORIES:
Ka jingbthei kynsan jong u Coronavirus ka la wanrah ia ka pyrthei sha ka jingsangeh kynsan. Ha ka jingsngewthuh jong kiba bun, ka la long ka jingjia bad ka jingjynjar kabym pat ju jia mynno mynno ruh ha ka histori jong u khun bynriew. Da ka jingkhein kaba haduh 85,85,098 tylli ki case jingpang bad ka jingiap kaba haduh 4,56,439 ngut ki briew, u khniang jingpang covid-19 u la pynmih ia ka jingkhihwin bad ka jingsheptieng ha ka pyrthei salonsar. Ka USA, Brazil, Russia, India, UK, Spain, Peru, Italy, Iran ki la jia long ki ri kiba la shah ktah jur eh ha une u khniang jingpang ban ia ka China, ka ri na kaba une u khniang jingpang u la sdang. [1]
Katba kane ka jingpang ka la nang saphriang sha ki spah tylli ki ri, shibun ki khana shalyndet jong u khniang jingpang COVID-19 ruh ki la pur sted lyngba ki social media bad ki kot khubor. La i kumba ki conspiracy theories ki la pur sted kham palat ban ia u virus hi. Bad ka phang pdeng shalyndet jong ki khana baroh ka long ka tynrai, ka jingktah bad jingthmu jong u Covid-19.
Hangne harum ki long katto katne ki khana shalyndet jong u Coronavirus kiba long kiba kham pynsheptieng bad pynsngewma ia shibun ki briew:
Ka Jingbuhrieh Jong Ki Nong China – Naduh ka por ba ia ka khubor shaphang u coronavirus la pynmih da ki lad pathai khubor salonsar, ki jingtharai sniew ki la saphriang kylleng shaphang ka sorkar communist jong ka China ba ka la pyrshang ban ‘buhrieh’ ia une u khniang jingpang bad ba ka la tap ia ka jinglong bashisha.
Ka jingshisha ba ka Sorkar China ka la pyrshang ban khanglad ia ka jingialeh jong ki nongpynsawa (kiba hapoh bad kumjuh ruh ia ki phra ngut ki doktor), kiba pyrshang ban maham ia ki paidbah shaphang une u khniang jingpang, ka la jia long pynban ka khubor pynsheptieng bad kam shym la iarap satia ia ki.
Katba ki khubor hamsaia shaphang ka jingbuhrieh jong ki nong China ki long kibym lah ban pynshisha, hynrei shisien ba la tip uwei u lah tang ban pyrkhat shaphang kane ka proberb kaba paw, ‘yn ym don tdem, khlem ka ding’. [2]
La Iathuhlypa Ha Kawei Ka Kot Puriskam – Kane ka la long kawei na ki khana ba kham sngewsheptieng. Shen hadien ba ka khubor shaphang une u khniang jingpang ka la saphriang, katto katne ki nongleh internet ki la sdang ban kdew ba ka jingthoh na ka kot ‘The Eyes of Darkness’ (1981) da u Dean Koontz ka la iathuhlypa shaphang u khniang jingpang Coronavirus.
Ka dur jong ka jingthoh na kato ka kot ka la leit saphriang kylleng kylleng tang shiphang bad ki nongleh internet ki la iasheptieng namar ka jingiasyriem ka la long kaba sngewlyngngoh shisha bad ka sakhi sabut ka la long kaba eh ban kyntait.
Ban shu pynsngewthuh ia phi, ka jingpynleit jingmut ka la long halor kato ka jingjia jong kawei ka kmie kaba pyrshang ban wad ia kaei kaba la jia ia u khun jong ka hadien ba u la shu jah la ka jah khlem da tip ha kawei ka jingleit jngoh kai pyrthei. Bad ka la jia ba uta u khynnah u la shah bat ha China – bad la batai thik ba ka dei ha Wuhan – ka jaka ha kaba la mih une u khniang jingpang uba ma.
Ha kata ka jingthoh, u briew uba kyrteng u Dombey u la iathuh shaphang u virus uba kyrteng ‘Wuhan-400’ ia uba la pynmih ha ka RDNA lab shabar jong ka nongbah Wuhan, bad ‘u la long uta u sawspah tylli ki jinglong ba lah ban im jong ki microorganisms ba la thaw da u briew ha kata ka research centre’.
Kata ka jingthoh ka la ai ruh ia ki jingbatai babniah bad bakyllain shaphang kumno uta u virus u ktah ia ka met jong u briew. Ka jingsngewskhem ha kaba kane ka kot (1981) ka la iathuhlypa ia une u khniang jingpang bad ka jingiasyriem hapdeng u ‘Wuhan-400’ bad u Coronavirus ka long kaba sngewkhyllah ban shu ong noh. [2]
Ka ‘New World Order’ – Kane ka la long kawei ka conspiracy kaba la ngeit da ki katto katne khamtam kito kiba na ka kynhun Khristan. La katto katne snem mynshuwa ka la don ka jingkhmih lynti bajur jong ki katto katne ki Khristan ba kan sa mih ka New World Order bad kan sa synshar donbor halor ki briew baroh jong ka pyrthei bad kan sa pynshitom ia ki briew U Blei kiba kyntait ia ka dak u mrad khlaw. Watla kane ka jingapkhmih lynti ka lah pjah noh shipor namar ba kiei kiei baroh ki long kumba ju long hynrei ha kine por jynjar kane ka khlam ka la pynkyndit bad ai dak thymmai ba ka pyrthei ka lah jan poi sha ka New World Order. Haba ai jingkren ha ka United Nations (UN) Business Conference, 23 September 1994, uwei na ki hehspah jong ka ri America u la ong kumne, “NGI LA LONG HA TMIER JONG KA JINGKYLLA JONG KA PYRTHEI. BAROH KABA NGI DONKAM KA DEI KA JINGJYNJAR KABA KHRAW SHISHA (RIGHT MAJOR CRISIS) BAD KI JAID BYNRIEW BAROH KIN SA PDIANG IA KA RUKOM SYNSHAR KABA THYMMAI (NEW WORLD ORDER).” –David Rockefeller. [3] Kine ki ktien ki long kiba sngewma shisha bad ka pyni ba ki don ki kynhun ba napoh (secret societies) kiba don ka jingthmu basniew shalyndet khnang ba kin ioh pynwan ia kata ka rukom synshar kaba ki kwah. Kine ki ktien ki shon bha ha ka jingmut jingpyrkhat jong ki katto katne namar kane ka jingkren ka da iahap bha bad kane ka por namar kane ka khlam ka long kabym pat ju jia mynno mynno ruh ha ka pyrthei, ha kiwei pat ki kyntien, kane ka khlam ka long shisha ka jingjynjar bakhraw.
U Khla-Ka-Wait jong ka Rom – Bad sa kawei ka kot ruh, i kumba ka la iathuhlypa shaphang une u Coronavirus. Ka long kaba sngewtynnad ban tip shaphang ka cartoon kaba la pynmih ha u 19 October 2017 kaba kyrteng “Asterix And The Chariot Race.” Ha kane ka jingiarace kali kulai (chariot race) la don uwei u nongiashim bynta uba kyrteng U ‘Coronavirus’. Bad ha kawei na ki sla jong kane ka kot ngi pule kumne, “Hangne la wan u rangialeh ba sngewtynnad eh jong ngi, napoh Rome! U Khla-Ka-Wait uba la jop thiaw haduh 1462 sien! Uta uba ki iakhot U “MASKED AURIGA’, U CORONAVIRUS BAKHRAW, bad u Bacillus baiaineh jong u.” Kane ka dei ha u snem 2017. Kumno kane ka lah ban long? Katto katne kiba shem ia kane ka kot magasin ki la ngeit ba kane ka khlam ka lah ban long ka jingthmu barieh jong ka Rom (Vatican) ban pynurlong noh ia ka jingthmu jong ka halor ka New World Order.
Ka jingmaham lypa jong ki riewkhraw – Bun na ki riewkhraw ki la maham lypa shaphang kane ka khlam bad ka i kumba ki la tip lypa shaphang kaei kaba jia shalyndet jong ka khlam Covid-19. Uwei na ki u la ong kumne ha ka jingkren jong u ha ka prokram TED talks ha u March 2015 (Bill Gates), “Mynba nga dang khynnah, ka jingjynjar kaba ngi kham khuslai bha ka dei ka thma nuclear. Na kata ka daw ngi sa don ka ktang kum kane hapoh khrum iing, kaba la dap da ki tin set jingbam bad ka um. Haba wan ka jinghiarthma nuclear, ngi dei ban leit shapoh khrum iing, ban buhrieh ia lade, bad ban bam na kata ka ktang. Mynta, ka jingma kaba khraw jong ka jingjynjar ha ka pyrthei baroh kawei kam i shuh kumne. Ha ka jaka jong kane, kan sa i kumne. LADA KAEI KAEI KA PYNIAP HADUH 10 MILLION NGUT KI BRIEW HA KI SNEM KIBAN WAN, KAN SA LONG U KHNIANG JINGPANG IABIT BAKHLAIN (HIGHLY INFECTIOUS VIRUS) BAN IA KA THMA. YM DEI KI MISSILES, HYNREI KI MICROBES. Mynta, shibynta na ka daw jong kane ka long ba ngi la buh tyngka shibun eh na ka bynta ka lad iada ri (nuclear deterrence), hynrei ngi la buh tyngka tang khyndiat eh na ka bynta ka lad (system) ban pynsangeh ia ka jingpang khlam (epidemic). NGIM PAT LONG KIBA LA KLOI NA KA BYNTA KA JINGPANG KHLAM KABAN BUD... KA JINGREM BAN PYNKHREH KAN AILAD IA KA JINGPANG KHLAM KABA BUD BA KAN LONG KABA KHAM PYNJOT PALAT BAN IA U EBOLA.”[4]
U Dr. Anthony fauci, u director jong ka National Institute Of Allergy and Infectious Diseases (NIAID), u la maham ia ki dkhot jong ka synshar khadar jong u Trump ha u January 2017 shaphang “ka jingpang khlam kaba kyndit kyndit” jong u khniang jingpang bathymmai. U la ong ha kato ka por ba ka US ka donkam ban leh khambha ban pynkhreh. Ha kata ka jingkren u la ong kumne, “La ai, kumba phi la iohsngew na ka jinglamphrang, ba nga la leit shane shatai katto katne por bad nga la ioh ka lad, bad ka lad jingmyntoi, bad ka jingsngewbha ban shakri ha ki san tylli ki jingsynshar, nga la pyrkhat ba ngan wanrah ia kata ka jingiohi ha ka mat kaba mynta ka sngi, kaba iadei bad KA JINGPYNKHREH IA KA JINGPANG KHLAM (pandemic preparedness). Bad lada don kawei ka khubor kaba nga kwah ban ieh ha phi mynta katkum ka jingiashem jong nga, bad phin sa iohi ia kata sa shiphang, BA KAM DON KANO KANO KA JINGARTATIEN BA KAN SA DON KA JINGIALEH HA KA JINGSYNSHAR KABAN SA WAN HA KABA IADEI BAD KA JINGPANG IABIT – baroh ar, ka jingpang iabit ba la shong tynrai bad ba la neh slem, kata kamut ka jingpang kaba la don lypa, bad ngi la don ka jingkit kaba khiah halor kata, HYNREI NALOR KATA RUH KAN SA DON KA JINGPANG KHLAM KABA KYNDIT KYNDIT (surprise outbreak). . . Kaei kaba thikna kam pher la ka long kumno kumno ruh, ka histori ka la iathuh shai shisha ha ngi ba kan sa jia namar ki jingpang iabit, kumba nga la ong 8 snem mynshuwa ha kane ka artikel lem bad U David Morens bad U Greg Folkers, ba ka long ka jingiakhun kaba iaineh. Kan ym leit noh satia. TE SHAPHANG KAWEI KABA NGI DA SNGEWSKHEM PALAT KA LONG BA NGIN SA IOHI IA KANE HA KI KHYNDIAT SNEM KIBAN WAN.” [5]
Ka atiar ialehthma – Mynta ha internet la shlei da ki khana shaphang u Covid-19, bad lehse kawei na ki khana kiba kham paw eh ka long ba u virus u lah ban long kum ka atiar ialehthma (bioweapon) ba la thaw da ki briew ha ka laboratory. Naduh ba paw pyrthei une u khniang jingpang bun ki briew ki la ia tharai kumta. Haduh arspah tylli ki ri kiba la shah ktah ha une u khniang jingpang, bad la jan man pa kawei pa kawei ka ri ki la don ia ki kaiphod iap briew, la i dei hi ba ki briew kin ia kynnoh kumta.
Ka ‘5G’ connection – Katba ki conspiracy theories ki sdang ban pur kum ka ding ha ka Internet, ki khana shaphang ka jingiadei hapdeng ka 5G bad u Coronavirus ka la paw bha ha ka internet. Ia u Covid-19 la ngeit ba u la sdang na ka iew die dohkha ha Wuhan, China, ha u November 2019. Jia ryngkhat , ba ka China ruh ka la plie katto katne ki 5G network jong ka ha u November 2019. Katkum ka jingtip kaba bha tam kaba nga la ioh, kane ka conspiracy ka la pluh nyngkong eh mynba ka Keri Hilson, ka nongrwai bapaw jong ka America, kaba don haduh 4.2 million ngut ki nongbud ha Twitter, ka la send ia ka jingthoh shaphang ka jingiadei hapdeng ka 5G bad u Covid-19, kaba la thoh, “Ki briew ki la pyrshang ban maham ia ngi shaphang ka 5G la katto katne snem. Ki jingkyrpad, ki seng, ki jingpule . . . kaei kaba ngi iaid lyngba mynta ka long ka jingktah jong ka radiation. Ka 5G la pynmih ha China ha ka 1 tarik Nov, 2019. Ki briew ki la hap ha ka jingiap.” [6] Haduh mynta bun ki briew ki ngeit ba ka jingiap pathar jong ki briew ka dei na ka jingktah jong ka 5G. Ha USA katto katne ki ngeit ba ki la shah shukor ha ka sorkar bad ki sdang ban mih sha surok ban pyni ia ka jingsngew pyrshah jong ki ia ki aiñ sorkar ha kaba iadei bad ka jingkhanglad ban leit shane shatai bad ban trei ban ktah.
Ka khana kaba la mih ha kito ki por jong ka jingsdang ka long ba une u khniang jingpang u lah ban dei na ki lambit lane na ki mrad, nangta la don ruh ba ong ba ka lah ban dei na ka jingleh khnang jong ki bor synshar ban ioh pynduna noh ia ka jingbun paid jong ki briew bad ban pynhap noh ia ka ioh ka kot khnang ban pynmih noh da kawei pat ka rukom pyniaid thymmai ia ka pisa. Kine ki long ki katto katne ki khana shalyndet jong u Covid-19 kiba kham paw, bad kiba kham pynkyndit bad pynsheptieng ia ki briew.
HATO KA DON KA JINGSHISHA HA KINE KI CONSPIRACY THEORIES?
Ki lah bun palat ki conspiracy theories, bun ki briew ki sah ha ka jingdum bad kim sngewnang shuh ban ngeit ia kano ka khana. Na ka liang jong nga shimet, nga lah ban ong ba katto katne na kine ki conspiracies ki long kiba dei bad katto katne pat ki long kibym pat lah ban pynshisha. Tang namar ba nga iasam ia kine ki theories kam mut ba nga ngeit lut ia ki. Nga lah ban nym iamynjur lut ia kaei ba ki ong hynrei kawei nga ngeit skhem ba ka don ka jingthmu kaba sniew shalyndet jong u Coronavirus. Nga ngeit ba kam dei tang ka conspiracy theory hynrei ka da dei hi ka conspiracy (practical) – ka jingiasylla buit sniew shalyndet bad ryngkat bad ki kam barieh de. Kam long kaba donkam haduh katta katta ban da leit tih bniah bad ban iatai ia ka naduh shaduh jong kane. Kam dei ka kamram jong nga ban leh ia kata. Lada phi kwah ban wad bniah na ka bynta ban pynskhem bad ban tip shuh shuh phi lah ban leh hi shimet. Hynrei tang ki jingkulmar bad ki jingiakhih pyrshah jong ki briew ha kylleng ki jaka ka la phla shai ba ka don kaei kaei shalyndet jong u Coronavirus.
Ki artikel kiba iadei bad kane ka post:
KA PAR JINGTIP:
Katto katne ki jingtip nga la ioh na ki katto katne ki official website jong ka “The economic times”, “Worldometers”, “The Tablet”, “Vatican news” bad kiwei kiwei de.
1. Ka jingkhein ha kaba iadei bad ki case jingpang bad ki jingiap ka dei katkum ka 19 tarik, June, 2020. Ban update ia ka jingkhein leit hangne https://www.worldometers.info/coronavirus/ Ha kaba iadei bad ka jingktah bad ka jinglong jong kane ka coronavirus ka lah ban kylla katba nang iaid ka por, namarkata ka lah ban nym long shuh kumba la iathuh ha kane ka kot pule.
2. The Chinese cover up and Coronavirus predicted in a novel -https://economictimes.indiatimes.com/magazines/panache/is-covid-19-a-bioweapon-five-conspiracy-theories-around-coronavirus-that-will-shock-you/the-biggest-humanitarian-crisis/slideshow/74870568.cms
3. David Rockefeller - “We are on a verge of a global transformation. All we need is the right major crisis and the nations will accept the New World Order.” https://www.ourrepubliconline.com/Quote/717
4. Bill Gates – “When I was a kid, the disaster we worried about most was a nuclear war. That’s why we had a barrel like this down in our basement, filled with cans of food and water. When the nuclear attack came, we were supposed to go downstairs, hunker down, and eat out of that barrel. Today, the greatest risk of global catastrophe doesn’t look like this. Instead, it looks like this. If anything kills over 10 million people in the next few decades, it’s most likely to be a highly infectious virus rather than a war. Not missiles, but microbes.” “Now, part of the reason for this is that we have invested a huge amount in nuclear deterrence, but we’ve actually invested very little in a system to stop an epidemic. We’re not ready for the next epidemic.” “The failure to prepare could allow the next epidemic to be dramatically more devastating than Ebola.” https://www.rev.com/blog/transcripts/bill-gates-ted-talk-transcript-from-2015-warns-of-pandemics-epidemics Phi lah ruh ban peit da ka video na youtube https://www.youtube.com/watch?v=6Af6b_wyiwI
5. Dr. Anthony Fauci – Director, NAT’L INSTITUTE OF ALLERGY & INFECTIOUS DISEASES- “Given, as you heard from the introduction, that I have been around for a while and have had the opportunity, and the privilege, and the pleasure of serving in five administrations, I thought I would bring that perspective to the topic today, is the issue of pandemic preparedness. And if there’s one message that I want to leave with you today based on my experience, and you’ll see that in a moment, is that there is no question that there will be a challenge to the coming administration in the arena of infectious diseases – both chronic infectious diseases, in the sense of already ongoing disease, and we have certainly a large burden of that, but also there will be a surprise outbreak. And I hope by the end of my relatively short presentation, you will understand why history, the history of the last 32 years that I’ve been the director of the NIAID [National Institute Of Allergy and Infectious Diseases] will tell the next administration that there’s no doubt in anyone’s mind that they will be faced with the challenges that their predecessors were faced with. So for those who think that infectious diseases is gone, there’s so many people who’ve made foolhardy statements, not knowing at the time that they made them. I usually show a quote from an old surgeon general or an old pundit in infectious disease, so I thought I’d pull this one out from Sir Macfarlane Burnet, who was actually a Nobel Prize-winning immunologist, who made the statement, as many did, ‘To write about infectious diseases is almost to write of something that has passed into history. The most likely forecast about the future of infectious diseases is that it will be very dull.’ Which is really kind of interesting coming from a semi-genius like Macfarlane Burnet. And I think what he did and the mistake that so many people have made is something that several of our panelists have already referred to, and that is a failure to look beyond our own borders in the issue of the globality of health issues, not only things that are there that will come here, but surprises that we have. . . What are the lessons that we learned from HIV? One, you have to commit substantial financial and human resources. These things don’t get addressed spontaneously by themselves. You have to enlist the best and the brightest investigators in both basic and clinical research. You have to involve the community, be it the gay community in the United States, or the community in Africa and West Africa when we dealt with Ebola, or the people in South America when we’re dealing with ZIka. You have to have cross-sector collaboration. You can do it alone. The CDC [Centers for Disease Control] can’t do it alone. The NIH [National Institutes of Health] can’t do it alone. You do it with all of us, with industry, with global organizations, with philanthrophy and NGO [non-governmental organizations], and you gotta get the leaders and the policymakers involved. . . What is for sure that no matter what, history has told us definitively that it will happen because infectious diseases, as I said 8 years ago in this article with David Morens and Greg Folkers, that it is a perpetual challenge. It is not gonna go away. So the thing we’re extraordinarily confident about is that we are gonna see this in the next few years.” https://www.youtube.com/watch?v=puqaaeLnEww and also check this news on this link https://www.healio.com/news/infectious-disease/20170111/fauci-no-doubt-trump-will-face-surprise-infectious-disease-outbreak
6. Keri Hilson- "People have been trying to warn us about 5G for YEARS. Petitions, organizations, studies... what we're going through is the affects [sic] of radiation. 5G launched in CHINA. Nov 1, 2019. People dropped dead." https://www.bet.com/music/2020/03/16/keri-hilson-coronavirus-conspiracy-tweets-reactions.html
Comments