U Khrist Lamler
Mano une u Khrist Lamler?
Don kiba ong:
Adolf hitler
Osama Binladen
Ki nongrwai kum (Lady gaga, Britney spear. etc.)
Shwa kata ki don ki jubab ba kumno ngin sngewthuh ia ki dak ki shin ha ki jingiathuhlypa.
Ki Jubab:
Ka briew=ka balang (Eph5:23; 2 Kor11:2)
Um=paitlang (Jingpynpaw17:15)
Mrad=hima (Daniel 7:17,23)
Lyer=thma(Jer4:13,25:32,Pro1:27)
Khlieh=hima(Jingpynpaw17:9,10)
Reng=hima,bor (Daniel 7:24)
Kumba ngi la dep pule ha ki jingpule ka jingiathuhlypa jong ka kitab u Daniel ka lynnong kaba ar. Mynta ngin iai bteng ha ka lynnong kaba hynniew, sngewbha pule ka jingpule kaba ar.
U Daniel u la iohi jingithuhpaw ba kumno?
Jubab: DANIEL 7:2-7-“u Daniel ula kren bad ula ong, nga la iohi ha ka jingithuh paw jong nga mynmiet, bad ha khmihkita ki sawlyer ka bneng kila pyrsad halor ka duriaw bah.Te saw tylli ki mrad kiba heh kila ia wan mihnoh na kata ka duriaw, kiba iapher uwei na uwei pat.
Dkhot 4-Uba nyngkong ula long kum u sing, bad ula don ki thapniang pukni; nga la khmih haduh bala phut noh ia ki thapniang jong u, bad la khllie ia u na ka khyndew bad la pynieng ia u ha ki kjat artylli kum ki briew,bad la ai ka dohnud briew ha u.”
Dkhot 5-“Bad hakhmih sa uwei pat, uba ar, kum ka dngiem,te la khllie shiliang ia u, bad lai tylli ki shieng krung kila don ha ka shyntur jong u hapdeng ki bniat jong u bad kila ong kumne ha u, To ieng bad to bam doh shibun.”
Dkhot 6-“Hadien kane nga la khmih, bad ha khmih sa uwei pat kum u labasa, uba don saw tylli ki thapniang sim ha ka ingdong jong u, uta u mrad ula don saw tylli ki khlieh ruh, bad ia ka jingsynshar la ai ha u.”
Dkhot 7-“Hadien kane de nga la iohi ha kita ki jingithuhpaw mynmiet, bad ha khmih sa uba saw u mrad, uba iteng bad uba don bor, bad uba khlain shi kaddei eh ,bad ula don ki bniat nar kiba heh, ula bam duh bad ula pynlwet jin bad ula kyrdem da ki kjat ia kaba sah bad ula pher na kita ki mrad baroh kiba la don mynshwa ia u, bad ula don shiphew tylli ki reng."
Kine baroh ki ieng ia kiei?
DANIEL 7:15-19-“Nga hi u Daniel, ka mynsiem jong nga ka la sngewsih hapdeng ka met jong nga, bad ki jingithuhpaw ka khlieh jong nga kila pynkhuslai ia nga. Nga la wan hajan ha uwei na kita kiba ieng hajan, bad nga la kylli ia u ia ka jingshisha shaphang kane baroh, kumta ula ithuh ha ngabad ula pyntip ha nga ia ka jingbatai jong kita kiei kiei ruh.”
“Kine ki mrad kiba heh, kiba sawtylli , ki long saw syiem ki ban mih noh naka khyndew….………….Ynda kumta nga la kwah ban tip ia ka jingshisha sa ia uta u mrad uba saw, uba la long pher na kita baroh, uba itieng shikaddei eh , uba ki bniat jong u ki long da ka nar, bad ki tyrsim jong u da ka rnong bad uba la bam duh, uba la pynlwet jin, uba la kyrdem ia ka ba sah da ki kjat jong u.”
DANIEL 7:23-“Kumne ula ong, uta u mrad uba saw un long ka hima kaba saw ha ka khyndew, kaban long kaba pher na ki hima baroh, bad kan bam duh ia ka khyndew baroh, bad kan iuh roit noh ia ka, bad kan pynlwet jin ia ka.”
Lada ka hima kaba saw ka dei ka hima kaba saw ha ka khyndew kamut ka hima kaba lai ,baar ,banyngkong ka dei ka hima kiba katno ha ka khyndew .
Man ki Ri Pyrthei ki don la jong ka dak ka shap (Emblem) te kumta ha kitab U Daniel 7 la kdew ia ki hima da ki dak ne ki shap jong ki mrad. Ka dur halor ka pyni ia ki shap ne ka dak ba ki Ri ki shim da ki Mrad.
Te Kumta kine ki mrad ki ieng ia saw ki hima, ki juh hi ki hima ba la batai ha lynnong ba ar jong U Daniel. Te ki long kine Hima.
Hima 1 = Babilon
Hima 2 = Medo-Persia
Hima 3 = Greece
Hima 4 = Rome
JEREMAIAH 50:43-44-U syiem Babilon ula iohsngew ia ka nam jong ki , ti ki kti jong u kila tlot noh: ka jingpisa kala ngat ha u, ka jingsuh kum ka jong ka khynthei haba suhkhun. Ha khmih,un sa kiew kum u sing na ka jingsarong ka Jordan ban ialeh ia kata ka jaka shong kaba skhem.
kine ki long ki sakhi ba kumno ka khyrdop jong ka hima Babilon ba mynhyndai la pyn-oh shrong da ki dur jong u Sing ba don ki thapbniang.
Ha Baibl ki thapbniang ki ieng ia kaei?
Deuteronomy 28:49 “U TRAI un wallam ia ka jaidbynriew pyrshah ia me … kaba stet kat kumba her ka pukni…”
Jeremiah 4:13 “…ki kulai jong u ki kham stet ban ia ki pukni…”
Ka Hima ba ar ka ieng ia ka Medo-Persia kumb ngi la dep pule ha ka jingpule Daniel lynnong ba 2, ka dei ka hima Medo Persia kat kum ka histori ba la jop thma ia ka hima Babilon.
Ka rah shiliang namar ki kham khlain ki Persia ban ia ki Medes. Ka don lai tylli ki shieng krung ha ka shyntur jong ka namar ki ne ki Medes bad ki Persia ki la jop thma I ki laitylli ki hima ka Igipt , Lidia bad ka Babilon.
Ka Hima kaba Lai ka ieng ia ka Hima Gris.
Ka don saw tylli ki thapniang pukni kaba ieng ia ka jingsted namar ka long ka hima ka ba sted tam ba u Alexsander ba hapoh ka 10 snem ula jop thma bad ban synshar ia ka pyrthei jan baroh kawei.
Saw tylli ki khlieh ki ieng ia saw ngut ki Rangbah Shipai (general) jong u Alexsander kiba la iaphiah ia ka hima hadien ka jing iap jong u, kita ki long:-
CASSANDER U la synshar ia ka Masidonia bad ka Gris.
LISIMACOS ia ka Thrase and Bithynia.
PTOLEMY ia ka Egipt.
SELEUKOS ia ka Siria .
Ka Hima basaw ka ieng ia ka Hima Rom-
DANIEL 2:40-“Bad kaba saw ka hima kan long kaba khlain kat ka nar : naba kumba ka nar ka pynlwet bad ka jop ia kiei kiei baroh : bad kumba ka nar kaba tylliat ia kiei kiei baroh, ka ruh kan pynlwet bad kan tylliat.”
KJAT NAR=HIMA : ROMEàSYNSHAR NADUH 168 B.C- - 476 A.D.
Ki 10 ki reng ia ki 10 ki hima ba ia pait na ka hima Rom- kiba ieng ia ki hima ha Europe ha thain sep-ngi.
Te kumta ha DANIEL 7:8- U Daniel u ong “Nga la dang pyrkhat shaphang kita ki reng, bad ha khmih, la mih hapdeng jong ki sa kawei pat ka reng, kaba rit, ha khmat jong ka lai tylli na kita ki reng kiba nyngkong ka phut noh na ki thied , bad ha khmih , ha kane ka reng la don ki khmat kum ki khmat briew bad ka shyntur kaba kren ia kiei kiei kiba khraw.”
DANIEL 7:20-“Bad iaki ta ki shiphew tylli ki reng kiba la don halor ka khlieh jong u, bad kata kawei pat ka reng kaba la mih, kiba ha khmat jong ka lai tylli kila hap , kata ka reng hi kein kaba la don ki khmat, bad ka shyntur kaba kren ia kiei kiei kiba khraw, kaba kham iheh ban ia ki lok jong ka.”
Kaei kane ka reng kaba rit?
Ka jing sngewma shaphang kata ka reng kaba rit kaba leh bor haduh katta kaba khlain, kaba kren ia kiei ki ba khraw , hato u Blei jong ngi un ym iathuh ia ngi shaphang kata ka reng kaba rit?
Ngin ia peit 10 tylli ki jing long jong u reng barit lane u mrad khlaw na ka Baibl bad hadien kane ngin sa tip ka ieng iano
1) =MIH NA HIMA ROME
DANIEL 7:7-Hadien kane de nga la iohi ha kita ki jingithuhpaw mynmiet, bad ha khmih sa uba saw u mrad, uba iteng bad uba don bor, bad uba khlain shi kaddei eh ,bad ula don ki bniat nar kiba heh, ula bam duh bad ula pynlwet jin bad ula kyrdem da ki kjat ia kaba sah bad ula pher na kita ki mrad baroh kiba la don mynshwa ia u, bad ula don shiphew tylli ki reng.
2) =KA DON HAPDENG KA WESTERN EUROPE
DANIEL7:7,8-…bad ula don shiphewtylli ki reng. Nga la dang pyrkhat shaphang kita ki reng, bad ha khmih la mih hapdeng jong ki sa kawei pat ka reng ka barit…
3) =KA DEI KA HIMA KABA RIT
DANIEL 7:8-Nga la dang pyrkhat shaphang kita ki reng, bad ha khmih, la mih hapdeng jong ki sa kawei pat ka reng, kaba rit...
4) =KA DEI KA HIMA KABA PHER BHA
DANIEL 7:24-Bad shaphang kita ki shiphew tylli ki reng ,na kane ka hima shiphew ngut ki syiem kin mih: bad uwei pat un mih hapdeng jong ki; u ban long uba pher na kita ki ba mynshwa...
5) =DON U BRIEW KUM U KHLIEHDUH
DANIEL 7:8- …bad ha khmih, ha kane ka reng la don ki khmat kum ki khmat briew bad ka shyntur kaba kren ia kiei kiei kiba khraw.
6) =KA PHUT IA LAI TYLLI KI HIMA
DANIEL 7:8- ….ha khmat jong ka lai tylli na kita ki reng kiba nyngkong ka phut noh na ki thied ….
7) =U KREN BEINBLEI
DANIEL 7:25-Bad un kren ki ktien kiba pyrshah ia u bahakhliehtam eh….
Kaei ka jingkrenbeinblei?
IOANNIS 10:30,33-Ma nga bad uta u kpa ngi ialong shitylli. Kita ki jiw ki la iathuh ha u, ki ong,Namar ka jingleh babha ngim lynthem ia me, hynrei namar ka jingkrenbeinblei, bad naba me , uba long u briew me pynlong U Blei ialade.
LOUKAS 5:20,21-Haba ula iohi te ia ka jingngeit jong ki, ula ong ha u, ko briew , la map noh ia me ia ki pop jong me. Ki nongthoh bad ki pharisi kila ia sdang ban iapyrkhat te, ki da ong, uei une uba kren ia ki jingkrenbeinblei?uei uba lah ban map noh ia ki pop hynrei tang u Blei hi?
1Timothy 1:12,13-Te nga sngewnguh ia uta uba la ai bor ia nga, U Khrist Jisu uba U Trai jong ngi, naba u la niew ia nga uba dei ban shaniah, haba u la thung ia nga ia ka kam jong u (13) Ia nga la long mynshuwa uba kren bein, bad uba beh being bad uba pynsniew: hynrei la leh isynei ia nga, naba nga la leh da ka jingbymtip ha ka jingbymngeit kein.
Ba kam ba u long mar ryngkat bad U Blei
Ba kam ba u lah ban map ia ki pop ha pyrthei
Ba pynshitom bein ia ki briew jong U Blei ha ka kyrteng U Blei.
8) = THMU BAN PYNKYLLA IA KI POR BAD IA KA HUKUM
DANIEL 7:25-…bad un thmu ban pynkylla ia ki por bad ia ka hukum…..
9) =SYNSHAR LAI SNEM SHITENG
DANIEL 7:25-….bad un ai noh ia ki ha ka kti jong u haduh ka por bad ki por bad ka shiteng por.
Ka por = 1 snem
Ki por =2 snem
Shiteng por = 1/2 snem
3 ½ snem =42 bnai
42 bnai =1260 sngi
ESEKIEL 4:6-…sawphew sngi, kawei kawei ka sngiia ka shi snem, nga la buh ia kata ha me.
Jingkhein14:34 …ia kawei ka sngi namar kawei ka snem, phin iakit shitom shijot ia ki pop jong phi…
Lada 1 sngi ka long 1 snem, te 1260 sngi ka long 1260 snem.
10) =PYNIAP IA KI RIEWKHUID
DANIEL 7:25-…bad un pynduhnoh ia ki riewkhuid jong uba ha khliehtam eh….
Kum ba ngi la ia pule:
1) Ka mih na ka hima Rome
2) Ka don hapdeng na western Europe
3) Ka dei ka hima kaba rit
4) Don u briew kum u khlieh duh
5) Ka dei ka hima kaba pher bha
6) Phut ia lai tylli ki hima
7) Krenbeinblei
8) Thmu ban pynkylla ia ki por bad ki hukum
9) Synshar 3 ½ snem
42 bnai = 1260 sngi = 1260 snem
10) Pyniap ia ki riewkhuid
Kane ka reng kaba rit lane u mrad khlaw ka dei ban long ki jinglong na kine ki 10 tylli ki jinglong.
KA IENG IA KAEI KANE KA RENG KABA RIT LANE U MRADKHLAW?
KA PAPACY LANE KA RUKOM MANE HA BALANG ROMAN CATHOLIC ba la pyniaid da ka bor Pope.
Ngin ia pynskhem hato ka iadei ne em bad kine ki jinglong jong u reng barit.
1. Ka Vatican city Ka mihna ka Hima Rome.
2. Ka Vatican city Ka don hapdeng ka western Europe.
3. Ka Vatican city kadei shisha ka Hima kaba rit bha.
4. Don u briew kum u khliehduh kata u pope.
5) Ka Vatican city ka dei shisha ka hima kaba pher namar ka long ka Hima ba la don k abor synshar pyrtyhei bad synshar bor niam.
6) Ka pynduh jait ia ki laitylli ki hima, Heruli, Vandals bad Ostrogoths.
Ia ka hima Heruli la pynduh jait kum ka hima ha 493 H.K, Ka Vandals ha 534 H.K bad ka Ostrogoths … ha kaba la weng ia kin a HIma Rom da U Belisarius ha 538 H.K ( Student’s Gibbon, pages 309-319.)
7).ka kren beinblei.
Kynmaw ka jing krenbeinblei ka dei:-
Ba kam Blei ialade (briew)
Peit ki ong kumno na ka jingthoh jong ki hishaphang kane.:- “Phi tip ba nga long U Kpa Bakhuid, uba mihkhmat na ka bynta U Blei ha pyrthei, uba mih bujli ia U Khrist, kaba mut Nga long U Blei ha pyrthei.” Pope Pius Xl, On April 30, 1922, quoted in The Bulwark, October, 1922, p. 104 [Pius Xl (1857-1939)
Ngi bat hangne ha sla pyrthei ia ka jaka U Blei Badonborbaroh. — Pope Leo XIII, Encyclical Letter, June 20, 1894.
Ba lah ban map pop (briew)
Q. Hato u lyngdoh u lah ban map shisha ia ki pop ne u shu pynbna ba ia ki la map?
Jubab: U lyngdoh u lah shisha ban map ia ki pop, kum ka jingshisha ba la ai ha u da U Khrist. ( A Complete Cathechism of Catholic’s Doctrines –P 279 Joseph Deharbe.
U Blei da lade hi um banseban kohnguh ia ka jingbishar u lyngdoh, ba un map ne em.
…kat kum ka ka jingpdiang ne jingkyntait jong ki ban map ia ki pop…
U lyngdoh u kren/ong bad u Blei u kubur lang ia kata. Dignity and Duties of the Priest. Vol 12. P.2.
Ba pynshitom bein ia ki briew jong U Blei ha ka kyrteng U Blei.
Kum ka hok, ki ngeit ba ma ki hi ki pynim ia hajar tylli ki mynsiem da kaba thang ia uwei uba leh pyrshah ia ka jinghikai ba la pdiang ka Balang… Da ka bor sain pyrthei, ki ngeit, ba ha kaba lah, da ki jingpynshitom bein kiba iai bteng, ba yn pynduh pyndam shisyndon ia kiba leh pyrshah ia ka jinghikai ba la pdiang da ka balang. -à The Death Penalty for Heresy. G.G. Coulton, P.24.
8) Thmu pynkylla ia ki por bad ia ki hukum, Ka hukum kaba katno kaba iadei bad ka por. Ka dei tang ka hukum kaba saw –
EKSODUS 20:8-10-Kynmaw ia ka sngi sabbaton, ban rakhe khuid ia ka. Hynriew sngi men tei, bad men leh ia kam jong me baroh; hynrei ka sngi kaba hynniew ka long ka sabbaton ia U Trai U Blei jong me; ha kata men ym leh kaei kaei ruh ka kam, ma me, lymne u khun jong me, lymne ka khun jong me, lymne u mraw jong me, lymne ka mraw jong me, lymne ka jingri jong me, lymne u nongwei uba hapoh ka phalor jong me;
Hangne ngi iohi ba ka jingpynkylla ia ka sngi mane na ka sngi Sabbaton kaba long ka sngi Saitjain ba ju ong ha ka kyntien khasi ne da ka phareng ka satruday sha ka sngi Robibar lane Sunday(ka sngi nyngkong ka taiew). Hapoh don ka kot ba phal ia kane ka jingpynkylla. Philah ban wad ia ki sakhi sabut shuh shuh nawei ruh.
peit ki ong kumno:-
“The first proposition needs little proof. The Catholic Church for over one thousand years before the existence of a Protestant, by virtue of her Divine mission changed the day from Saturday to Sunday.” The Christian Sabbath,” p. 29. Baltimore, Md.: “Catholic Mirror,” Sept. 23, 1898.
“We confess that the Pope has power of changing Scripture and of adding to it, and taking from it, according to his will”. Roman Catholic Confessions for Protestants Oath, Article XI, (Confessio Romano-Catholica in Hungaria Evangelicis publice praescripta te proposita, editi a Streitwolf), as recorded in Congressional Record of the U.S.A., House Bill 1523, Contested election case of Eugene C. Bonniwell, against Thos. S. Butler, Feb. 15, 1913.
“The Pope is of great authority and power, that he is able to modify, declare, or interpret even divine laws. The Pope can modify divine law, since his power is not of man, but of God, and he acts as vicegerent of God upon earth…” Lucius Ferraris, in “Prompta Bibliotheca Canonica, Juridica, Moralis, Theologica, Ascetica, Polemica, Rubristica, Historica”, Volume V, article on “Papa, Article II”, titled “Concerning the extent of Papal dignity, authority, or dominion and infallibility”, #30, published in Petit-Montrouge (Paris) by J. P. Migne, 1858 edition.
“The Church … took the pagan Sunday and made it the Christian Sunday … . And thus the pagan Sunday, dedicated to Balder, became the Christian Sunday, sacred to Jesus.” -Catholic World,” (New York), March, 1894, p. 809.
9) Synshar 1260 snem
“Ka jingsynshar “pyrthei & niam” ka Rom ka la kot bor tam eh kum ka Jingsynshar niam Khristan (Christendom) ha u snem 538 HK, lyngba kawei ka shithi u Patsha Justinian ka Hima Rom, kaba la khot “Ka Hukum u Justinian”, kaba la buh bad aibor ia u Bishop ka Rom kum u Khlieh ki balang Khristan baroh. Ka la ai ha ka Balang Rom ka bor peit sain pyrthei, imlang sahlang bad ka bor halor ki balang niam baroh. Kane ka shithi la long shibynta jong ka ain u Justinian, kaba long ka ain kaba kongsan tam ha ka hima Rom, bad ha ujuh u snem u pope Vigilus u la kiew ha ka khet hapoh ka jingiada ki kynhun shipai u Belisarius (uwei na ki Rangbah shipai u Justinian) ('The History of the Christian Church, Vol.3) Ha u snem 1798, u Berthier…u la ioh ban rung ha Rom,… …u la weng bad pynduh ia ka Jingsynshar ki pope bad u la pynskhem ka jingsynshar ba kynja pyrthei. ( The Encyclopedia Americana 1941 Edition)
Ka sdang na u snem 538 A.D
Ki history:- "History of the Christian Church.",Vol 3,page-327.
{Vigilius ,a pliant creature of Theodora,ascended the papal chair (538 A.D) under the military protection of Belisarius.
“Justinian (527). . . already meditated … the conquest of Italy and Africa.” }“Ka jingsynshar “pyrthei & niam” ka Rom ka la kot bor tam eh kum ka Jingsynshar niam Khristan (Christendom) ha u snem 538 HK, lyngba kawei ka shithi u Patsha Justinian ka Hima Rom, kaba la khot “Ka Hukum u Justinian”, kaba la buh bad aibor ia u Bishop ka Rom kum u Khlieh ki balang Khristan baroh. Ka la ai ha ka Balang Rom ka bor peit sain pyrthei, imlang sahlang bad ka bor halor ki balang niam baroh. Kane ka shithi la long shibynta jong ka ain u Justinian, kaba long ka ain kaba kongsan tam ha ka hima Rom, bad ha ujuh u snem u pope Vigilus u la kiew ha ka khet hapoh ka jingiada ki kynhun shipai u Belisarius (uwei na ki Rangbah shipai u Justinian)” 'The History of the Christian Church, Vol.3.
Jia aiu ha u snem 1798?
Ha u snem 1798, u Berthier…u la ioh ban rung ha Rom,…
…u la weng bad pynduh ia ka Jingsynshar ki pope bad u la pynskhem ka jingsynshar ba kynja pyrthei.( The Encyclopedia Americana 1941 Edition.)
10) Pyniap ia ki riewkhuid. Ha ka por ka jing synshar donbor jong ka balang Roman haka to ka por jong 1260 snem ka ba la ju khot “ka Dark Ages” ka pyniap ia baroh ki briew ki ba bud ia ka jingshisha ka Baibl ki bym ngeit ia ka.
“Ba ka Balang Katholik ba la pynjaw shi katdei eh ka snam kiba lui lui palat ban ia kano kano ka kynhun kaba la ju don hapdeng u jaitbynriew, yn ym lah ban artatien da uno uno u Protestan uba don ka jingtip bniah ia kiei kiba la dep jia (history).” W. E. H. Lecky
“The rise and influence of rationalism in Europe” Volume 2. p. 40
“Naduh ba sdang ia ki rukom jong ki pope…haduh ka por ba mynta, la niew bad kyllum da ki nongpule history kiba lah ban shaniah ba palat 5 crore ki longiing kiba la shah pyniap pathar da ki nongpynshitom bein jong ki pope na ka bynta ka jingpalat ba ki phaidien na ka jingngeit (crime of heresy).” The History of Romanism, pp 541-542.
Ym don jingartatien ba ita I reng barit ha Daniel 7 (u Khrist lamler) dei ka bor synshar pope.Ym don kawei pat ka kynhun kaba lah ban pyndap ia kine ki 9 tylli ki mat. Kane kam dei ka jinghikai bathymmai. Uwei pa uwei u “Reformer” khlem lait, ki kren bad kdew ia ka bor synshar pope kum u khristlamler. (Roy Allan Anderson, Unfolding the Revelation, page 137)
Martin Luther (Lutheran) “Ngi hangne mynta ngi la ioh ka jingsngewthuh ba tikna ba ka bor synshar pope ka dei ka jaka shong jong u Khristlamler ba shisha…
Nga pynbna hi da lade ba ngam ai shuh ka jingkohnguh ia u pope kum ia uta u khristlamler" (Aug. 18, 1520)
John Calvin (1509-1564) (Presbyterian):”Ki don kiba pyrkhat ba ngi long kiba khang lad ne tyngeh palat haba ngi khot ia u pope u khristlamler. Hynrei kita kiba don kane ka jingsngew kim pyrkhat ba ki wanrah kajuh ka jingkynnoh ia u Apostol Paul hi… …ia uba ngi bud bad pdiang ha ki jingthoh jong u…Ngan pyni khyndiat ha ki jingthoh u Paul ha II Thess 2 ba ngin ym lah ban sngewthuh da kumwei pat namar ka kdew beit ia ka jingsynshar ki pope. Institude of the Christian Religion.John Calvin.
John Knox (1505-1572) (Scot Presbyterian): U John Knox u la tur ban ialeh pyrshah “kata ka jingthombor kaba ki pope da ki bun snem ki la ban halor ki balang.” Kum u Luther, u pynkut ba ka bor pope ka de “uta u khristlamler, u khun ka jingjot, ia uba u Paul u kren.” The Zurich Letters, John Knox, pg 199.
Thomas Cranmer (1489-1556) (Anglican): “La sngewthuh ba ka Rom ka dei ka jaka shong u khristlamler, bad u pope u dei hi uta u khristlamler. Nga lah ban pynshisha ia kata na shibun ki jingthoh bakhuid, na ki nongthoh barim, bad da ki jingpynshongnia ba khlain. ( Works by Cranmer, vol 1, pp 6-7.)
Roger Williams (1603-1683) (Baptis pastor ba nyngkong ha America): U ong ia u pope kum “uba shu leh mynleh ban shim ka jaka U Khrist ha pyrthei, uba shong kum U Blei ha ka Templ U Blei, uba leh Blei ialade ym tang kiei kiei kiba la khot Blei, hynrei halor ki mynsiem bad jingiatiplem jong kiba hapoh jong u……hooid halor ka Mynsiem U Khrist, halor U Mynsiem Bakhuid, hooid halor U Blei hi ruh…uba kren pyrshah ia U Blei ka bneng, u da thmu ban pynkylla ki por bad ki hukum; hynrei u dei u khun ka jingjot (II Thess 2).” (The Prophectic Faith of our Fathers, Froom,Vol.3, pg 59
John Wesley (1703-1791) (Mehtodist): U Wesley u ong, “U dei ha ka jingmut bakhia baroh, u Briew ka Pop, katba u dang iai lum ia baroh ki rukom leh pop haduh bym lah niew shuh. Bad u dei ruh hi u Khun ka Jingjot, namar u la long ka daw ka jingiap jong kibym lah shuh ban niew……ia kiba bud bad pyrshah ia u…U dei uta…uba da leh Blei ialade bad ia baroh ba la khot Blei, lane ba ju mane…uba kam ia ka bor ba halor tam, bad ia ka burom ba halor tam…uba kam ha lade shimet ia ka jinglong Blei kaba dei shisha tang jong u Blei hi. (Anti-Christ and His Ten Kingdoms, John Wesley, pg. 110).
Ki nongsakhhi bad nongpynshisha kum u lyoh:
"Wycliffe, Tyndale, Luther, Calvin, Cranmer; ha ka spah snem ba 17, u Bunyan, ki nongpynkylla kyntien jong ka King James Bible bad ki briew kiba pynmih ia ka Westminster and Baptist confessions of Faith;…
Sir Isaac Newton, Wesley, Whitfield, Jonathan Edwards; bad kiba kham hadien kum u Spurgeon, Bishop J. C. Ryle and Dr. Martin Lloyd-Jones; kine ki rangbah hapdeng kiwei kiba bun bym lah niew, baroh ki iohi bad sngewthuh ia ka Jingsynshar pope kum u Khristlamler.” {All Road lead to Rome, Dorchestor House Publications, Michael de semlyen.}
Balei pat ka balang Roman Catholic ka don haduh mynta?
Ka don haduh mynta namar la ia signia ka Lateran Treaty hapdeng ka Vatican bad u Mussolini ha u snem 1929 ba kan don biang ka jingsynshar jong ka.
Kane baroh ka long ka jingpyndep ia ka jingthoh ha
JINGPYNPAW 13:3-Bad nga la iohi ia kawei na kita ki khlieh jong u kum ia ka ba la pynmong haduh kaban iap ,hynrei la pynkhiah ia kata ka jingmong iap jong u, te baroh ka pyrthei ka la sngewphylla ia uta u mrad khlaw.
…la pynkhiah ia kata ka jingmong iap jong u, te baroh ka pyrthei ka la sngewphylla ia uta u mrad khlaw
JINGPYNPAW 13:4-Bad ki la ia mane dem ia uta u iakjakor naba ula aiti ia ka bor synshar jong u ha uta u mrad khlaw; te ki la ia mane dem ia uta u mrad khlaw, ki da ong, uei ,uba long kum uta u mrad khlaw, uei uba lah ban ia leh thma bad u?
JINGPYNPAW 13:8-Te kita baroh kiba shong halor ka khyndew kin ia mane dem ia u, kiba ka kyrteng jong ki ym shym la thoh ha kata ka kitab ka jingim jong uta u khun langbrot, ia uba la pyniap la myndang long ka pyrthei.
Ki Jingpynshisha ba U Reng Uba Rit ha DANIEL 7 bad U Mrad Khlaw ha JINGPYNPAW 13 ki ieng ia kajuh Ka Hima Ne Ka Bor.
JINGPYNPAW 13:1-2- Bad nga la iohi ia u mrad khlaw uba kiew noh na ka duriaw ,uba don hynniew ki khlieh bad shipew ki reng, bad halor kita ki reng jong u shiphew ki pansngiat , bad halor kita ki khlieh jong u ki kyrteng ka jingkrenbeinblei, bad uta u mrad khlaw ia uba nga la iohi , ula syriem ia u labasa, bad ki kjat jong u kum ki kjat dngiem, bad ka shyntur jong u kum ka shyntur sing; te uta u iakjakor ula aiti ha u ia ka bor jong u bad ia ka khet jong ,bad ia ka bor synshar bakhraw.
U Daniel u iohi ia ka lawei hynrei U Ioannis u iohi ia kei ba la dep jia.
JINGPYNPAW 13:5-6-Te la ai ha u ka shyntur kaba ialap ia kiei kiei kiba khraw, bad ia ki jingkrenbeinblei; bad la ai ha u ia ka bor synshar ban sah jin sawphew ar bnai [1260 snem]. Te ula ang ia shyntur jong u ia ka ban kren bein ia u Blei, ban kren bein ia ka kyrteng jong u, bad ia ka ing kyntang jong u, bad ia kita kiba shong ha bneng.
U Nongshukor ba Shyrkhei,
U Shukor ia ki Angel ha bneng shibynta na ka lai bynta bad ki la hap lang noh bad u, U Shukor ia ka Im bad ia u Adam ha Eden. Bad u Shukor ia ki khynthei bad shynrang ha ki ne ki sngi kiba khatduh ban mane ia u MradKhlaw.
Ioannis 8:32- Bad phin ioh ithuh ia kata ka jingshisha, bad kata ka jingshisha kan pyllait noh ia phi.
Ioannis 17:17-To pynkyntang ia ki da ka jingshisha: ka KTIEN jong me ka long ka jingshisha.
MATHAIOS 24:35-Ka bneng bad ka khyndew kin leit noh hynrei ki ktien jong nga kin ym leit noh satia.
PROBERB 6:23-Namar kata ka hukum ka long ka sharak ,bad kata ka ain ka long ka jingshai,bad ki jingsneng ka jinghikai ki long ka lynti ka jingim.
PROBERB 28:4-Kita ki ba iehnoh ia ka hukum ki iaroh ia ki bymman hynrei kat kiba sumar ia ka hukum ki ialeh ia ki.
SALM 199:126-Ka la dei ia ka por ia u Trai ban trei; naba ki la pyndam noh ia ka ain jong me.
IOANNIS 4:23-Hynrei ka por ka la jia, bad ka long mynta kein, haba ki nongiamane Blei kiba shisha kin ia mane ia u kpa ha ka mynsiem bad ha kaba shisha naba u kpa ruh u wad ia kiba kum kita ban mane ia u.
2 KHRONIKL 7:14-Lada ki briew jong nga ia kiba la khot da ka kyrteng jong nga, kin pynrit ialade, bad kin duwai, bad kin wad ia ka khmat jong nga, bad kin phai noh na ki lynti bymman jong ki, kumta te ngan sngew na bneng, bad ngan map ia ki pop jong ki, bad ngan pynkhiah ia ka ri jong ki .
MATHAIOS 6:24-Ym don u ba lah ban shakri arngut ki kynrad; naba un isih ia uwei, bad un ieit ia uwei..
JOSHUA 24:15-Bad lada kam dei ia phi ban shakri ia u Trai ,to jied phi ha kane ka sngi iano phin shakri ……
ISAIAH 45:22-To phai khmat sha nga, bad to long ba la pynim kiba kut jong ka pyrthei baroh; namar nga nga long u Blei ,bad ym don uwei pat.
Ha kaba kut don sa tang shikynhun ong U Blei:-
JINGPYNPAW 14:12-Hangne ka don ka jingiaishah jong kita ki riewkhuid ,kita kiba sumar ia ki hukum U Blei, bad ia ka jingngeit U Jisu.
******